მანქანებზე, რომლებიც ექსპლუატაციაში 9-წელზე მეტ ხანს არიან, აქციზის გადასახადი იზარდება. ცვლილება საგადასახადო კოდექსში შედის. საკანონმდებლო ინიციატივა შსს-სეკუთვნის და პარლამენტში უკვე ინიცირებულია. ცვლილებების თანახმად, 3-დან 6 წლამდე ავტომობილები შეღავათიანი დაბეგვრის რეჟიმში ექცევა, ხოლო მნიშვნელოვნად იზრდება აქციზის გადასახადი 9 წელზე მეტი ასაკის ავტომობილებისთვის. გარდა ამისა, შეღავთიან რეჟიმში გადადის მოპედებისა და მოტოციკლების აქციზით დაბეგვრა. როგორც უწყებაში ამბობენ, ავტოსატრანსპორტო საშუალებების რაოდენობა საკმაოდ დიდია და მილიონს აჭარბებს. ავტოპარკის ძირითად ნაწილს კი მეორადი ავტომობილები წარმოადგენს, რომლებიც ტექნიკური და ეკოლოგიური უსაფრთხოების მოთხოვნებს ვერ აკმაყოფილებს.
