საქართველოს პრემიერ-მინისტრ ირაკლი ღარიბაშვილის ხელმძღვანელობით, მთავრობის ადმინისტრაციაში მთის განვითარების ეროვნული საბჭოს მორიგი სხდომა მიმდინარეობს.
საბჭოს ერთ-ერთმა წევრმა ზაქარია ქუცნაშვილმა სხდომის დაწყებამდე განაცხადა, რომ სხდომაზე იმ სფეროებზე იმსჯელებენ, რაზეც უნდა გავრცელდეს საგადასახდო შეღავათები მაღალმთიანი მოსახლეობისთვის.
„საგადასახდო და სოციალური შეღავათები კანონმა განსაზღვრა. მოგეხსენებათ, მაღალმთიანი რეგიონების განვითარების კანონი ძალაში შედის პირველ იანვარს, შესაბამისად, დღეს მთის განვითარების საბჭო განიხილავს კონკრეტულად იმ კრიტერიუმებს, რის მიხედვითაც უნდა დასახელდეს საქართველოს დასახლებული პუნქტები, რომლებიც შევა მაღალმთიან რეგიონებში, ასევე, საბჭო განიხილავს იმ სფეროებს, რა სფეროებზე უნდა გავრცელდეს საგადასახდო შეღავათები. გამოცხადდება ის კრიტერიუმები, რის მიხედვითაც გაიზომება დასახლებული პუნქტების, ქალაქების, სოფლების კატეგორია. დაახლოებით 1300-მდე ქალაქსა, სოფელზე და დაბაზე გავრცელდება ეს კანონი“, - განაცხადა ქუცნაშვილმა.
რაც შეეხება პერსპექტივაში, მთის მინისტრის პოსტის შემოღების საკითხს, ქუცნაშვილმა ჟურნალისტებთან განაცხადა, რომ დღეს ამ საკითხზე მსჯელობა არ იქნება.
