შეწყალების კომისიის ყოფილი თავმჯდომარე ალეკო ელისაშვილი ყოფილ პოლიტპატიმრებს სთხოვს, საქმის ბოლომდე მიყვანა აცალონ.
„ყოფილ პოლიტპატიმრებს მინდა მივმართო, რომელთაგანაც არაერთი ჩემთვის პატივსაცემი ადამიანია - რატომ მიიღეთ თქვენ თავზე ჩემი ნათქვამი? მე რამდენიმე ოდიოზურ ადამიანზე ვთქვი, რომლებიც ჩემი და არამარტო ჩემი ეჭვით სიაში ფულის გადახდის შემდეგ მოხვდნენ. განა გასაგებად არ ვამბობ - რამდენიმე ადამიანის სიაში მოხვედრა იწვევს ეჭვს და არა ყველასი.
ვისაც მე პატივს ვცემდი და ვცემ იმათ მინდა ვთხოვო - მაცალეთ არაპოლიტპატიმრებთან, არამედ სხვა მსჯავრდებულებთან დაკავშირებული კონკრეტული საქმე მივიყვანო ბოლომდე. ნუ მაფიქრებინებთ, რომ თქვენ ფასადად გიყენებენ ჩემი საწინააღმდეგო კამპანიისას. ამ კამპანიის მიზანი ჩემი მთავარი ძალისხმევიდან ყურადღების გადატანაა, კამპანიას ორკესტრირებას კი სწორედ ის კუდამწვარი, აფოფინებული ბინძური პოლიტიკოსები უწევენ. დაფიქრდით მეგობრებო“ - წერს facebook-ის საკუთარ გვერდზე დედაქალაქის საკრებულოს დეპუტატი.
შეგახსენებთ, მედიაში გავრცელდა ინფორმაცია იმის შესახებ, რომ ყოფილი პოლიტპატიმრები ალეკო ელისაშვილის უპირისპირდებიან დამისგან ბოდიშის მოხდას მოითხოვენ.
