თბილისის ზოოპარკში თავლას ცეცხლი გაუჩნდა. ხანძრის შედეგად დაიწვა ცხენების სადგომის ძირითადი ნაწილი.
ზოოპარკის საზოგადოებასთან ურთიერთობის მენეჯერის მზია შარაშიძის თქმით, ცხენების გამოყვანა დროულად მოხერხდა, ამასთანავე შემთხვევის შედეგად არავინ დაშავებულა.
,,ძალიან სწრაფად მოვიდა სახანძრო და ჩააქრეს ცეცხლი. არავინ დაშავებულა. თავლიდან ცხენების გამოყვანაც მოასწრეს“, - განაცხადა მზია შარაშიძემ.
საგანგებო სიტუაციების მართვის სააგენტოს ინფორმაციით ადგილზე 7 სახანძრო მანქანა მუშაობდა. ხანძარი ამ დროისთვის ლიკვიდირებულია. ხანძრის გაჩენის მიზეზი ამ დროისთვის უცნობია.