„ნაციონალური მოძრაობის“ წევრის, აკაკი მინაშვილის ინფორმაციით, ქუთაისის მერიის თანამშრომლები მე-17 ბაგა-ბაღის თანამშრომლებს „აკაჩავებენ“, რათა თავიანთი პროტესტი არ გამოხატონ.
როგორც პლენარულ სხდომაზე გამოსვლისას მინაშვილმა განაცხადა, გუშინ, ქუთაისის მერიასთან ბაღის თანამშრომლების აქცია გაიმართა, რომლებიც ხელფასების მომატებას და უკეთეს პირობებს ითხოვდნენ.
„თქვენ ბაღებში რეფორმების გატარებით ტრაბახობთ, მაგრამ რეალური შედეგი ჯერ არ დამდგარა. არც ილუზია და არც დიდი იმედი არ მაქვს, რომ პარლამენტის ან ხელისუფლების მხრიდან რაიმე ნაბიჯები გადაიდგმება, რათა მსგავსი დარღვევა არ მოხდეს“, - დასძინა მინაშვილმა.
ქუთაისის ბაღა-ბაღის წარმომადგენლები გაფიცულები არიან.
