დედაქალაქის მერია თბილისელებსა და დედაქალაქის სტუმრებს სიურპრიზს უმზადებს. როგორც „ჯი-ეიჩ-ენისთვის“ გახდა ცნობილი, დედაქალაქის მერის, დავით ნარმანიას გადაწყვეტილებით, ქალაქში საახალწლო განათება 15 დეკემბერს ჩაირთვება.
ქალაქის საახალწლოდ მორთვა, ფაქტობრივად დასრულებულია. ქალაქის ცენტრალურ გამზირებზე განათება წინა წლებისგან განსხვავებული და მეტად მრავალფეროვანი იქნება.
„ჯი-ეიჩ-ენის“ ინფორმაციით, ქალაქის 15 დეკემბერს განათების გადაწყვეტილება, ნარმანიამ სიმბოლურად შეარჩია. ამ დღეს საქართველოს მოქალაქეებისთვის ვიზალიბერალიზაციის საკითხის განხილვა დასრულდება და სავარაუდოდ, დადებითად გადაწყნდება. სწორედ ამის გამო მიიღო დედაქალაქის მერმა გადაწყვეტილება წინასაახალწლო განათება ქალაქში რამდენიმე დღით მოგვიანებით ჩართულიყო.
დედაქალაქის მერიაში აცხადებენ, რომ საახალწლოდ ქალაქის რამდენიმე უბანში მოეწყობა საახალწლო ბაზრობები და გასართობი ცენტრები.
ასევე აქტიურად მიმდინარეობს მზადება საახალწო კონცერტისთვის. ცნობილი ხდება, რომ დავით ნარმანიამ ორგანიზატორები მკაცრად გააფრთხილა, რომ კონცერტში მონაწილეობის საშუალება უნდა მიეცეს ყველა მსურველს და ერთხელ და სამუდამოდ შეწყდეს ხელოვანებისთვის პოლიტიკური შეხედულებების მიხედვით პრივილეგიების დაწესება.