10 დეკემბერს, 11 საათზე სასტუმრო რუმსში გაიმართება კვლევის შედეგების პრეზენტაცია და საჯარო დისკუსია თემაზე: „დაგეგმილი სავალდებულო დაგროვებითი საპენსიო რეფორმა - გამოწვევები და საერთაშორისო გამოცდილება“. კვლევის ავტორია დავით უტიაშვილი. ღონისძიებას მოდერატორობას გაუწევს მწერალი, ბასა ჯანიკაშვილი და გახსნის „პოლიტიკის და მართვის კონსალტინგ ჯგუფის“ თავმჯდომარე, ალექსი ალექსიშვილი.
განხილვის სტადიაშია, სავალდებულო დაგროვებითი საპენსიო რეფორმის გატარება, რაც გულისხმობს მთავრობის, დასაქმებულის და დამსაქმებლის მიერ დასაქმებულის ხელფასის 2%+2%+2% კონტრიბუციას სავალდებულო საპენსიო ფონდში. კვლევამ შეისწავლა აღნიშნული რეფორმის მოსალოდნელი შედეგები საქართველოში არსებული გამოწვევებისა და უცხოური გამოცდილების შეფასების გზით.
კვლევამ პასუხი გასცა შემდეგ კითხვებს:
* რა ტიპის რისკებს შეიცავს სავალდებულო დაგროვებითი საპენსიო სისტემა?
- მოსახლეობის რა ნაწილს შეეხება ეს რეფორმა?
* უზრუნველყოფს თუ არა „ღირსეულ“ პენსიას სავალდებულო დაგროვებითი საპენსიო რეფორმის გატარება ?
* როგორია სავალდებულო დაგროვებითი საპენსიო სისტემის მოსალოდნელი გავლენა საბიუჯეტო ხარჯებზე ?
* როგორია საერთაშორისო გამოცდილება ფონდების მიზნობრივად გამოყენებასთან დაკავშირებით ?
* როგორ იმოქმედებს კომპანიის საოპერაციო ხარჯებზე და აღრიცხვისა და ადმინისტრირების პროცესზე ?
* შეუწყობს თუ არა ხელს სავალდებულო საპენსიო სისტემა კაპიტალის ბაზრის განვითარებას?
* შეინარჩუნებს თუ არა მდგრადობას არსებული საპენსიო სისტემას (Pay -As -You - Go) უახლოეს ათწლეულებში ?
კვლევა ჩატარდა პროექტის „პოლიტიკის კვლევა მდგრადი ეკონომიკური განვითარებისთვის“ ფარგლებში და განხორციელდა „პი ემ სი“ კვლევითი ცენტრის მიერ კონრად ადენაუერის ფონდის მხარდაჭერით.
