11 დეკემბერს, 11 საათზე სასტუმრო Rooms-ში გაიმართება საზოგადოებრივი მოძრაობა „ივერიის" მიერ ორგანიზებული დისკუსია თბილისში არსებული პრობლემების შესახებ და პრეზენტაციის სახით წარმოდგენილი იქნება მდგომარეობიდან გამოსვლის კონკრეტული ხედვები, ასევე ის ინოვაციური ცვლილებები, რომელთა განხორციელების შემთხვევაში თბილისი მიიღებს ე.წ. „Smart City" სტატუსს.
პრეზენტაციას ჩაატარებს საზოგადოებრივი მოძრაობა „ივერიის" წევრი და „საქართველოს ტრანსპორტისა და გზების ასოციაციის" დამფუძნებელი დავით მესხიშვილი. დისკუსიის ფარგლებში მოხდება შინაგან საქმეთა სამინისტროს მიერ ინიცირებული ახალი სატრანსპორტო რეგულაციების პროექტის განხილვაც, ხოლო დისკუსიის შემდეგ საზოგადოებრივი მოძრაობა „ივერიის" დამფუძნებლები ჟურნალისტების შეკითხვებს უპასუხებენ.
