პარლამენტის თავმჯდომარე დავით უსუფაშვილი თბილისის მერს დავით ნარმანიას მოუწოდებს მერიაში გაკეთებული საქმე მეტად წარმოაჩინოს.
როგორც დღეს გამართულ პრესკონფერენციაზე უსუფაშვილმა განაცხადა, ის ვერ მოახერხებს შეამოწმოს, მერიამ ნახევარი მილიონი ხე დარგო, თუ 457 507 ათასი.
მისი თქმით, დავით ნარმანია გამორჩეულია თავისი ცოდნით, პატიოსნებით და უანგარობით, როდესაც საქმე შრომას ეხება.
„თბილისს აქვს ბევრი თემა და საკითხი, რომლის მოგვარებას ძალიან ბევრი ადამიანის ერთობლივი შრომა სჭირდება. ამ შრომას მერე გარკვეული გამოკვეთა სჭირდება. მეც იგივეს მეუბნებიან, რომ ნაკლებად წარმოვაჩენ, რასაც ვაკეთებ. როგორც ჩანს, ეს დავითების პრობლემაა. ამიტომ, დავითს მინდა ვთხოვო, მეტად წარმოაჩინოს ის, რასაც თავად და მერიაც აკეთებენ. ყოველი ამოუვსებელი ორმო ქალაქში ან დაურგავი ხეები, შეფასების კრიტერიუმი ნუ იქნება. ხეები მართლა ირგვება და ეს ძალიან კარგია. გარემოს დაცვა რომ პრიორიტეტია, ამას მივესალმები“, - დასძინა უსუფაშვილმა.
