რელიგიური სიწმინდეებისა და ღვთისმსახურის შეურაცხყოფისთვის შესაძლოა ფულადი ჯარიმები დაწესდეს. "ადმინისტრაციულ სამართალდარღვევათა კოდექსში" ცვილებების ინიციატორი სოსო ჯაჭვლიანია. პროექტის ავტორი კი "დემოგრაფიული განვითარების ფონდის" დირექტორი ზვიად ტომარაძე. ცვლილებების მიხედვით, რელიგიური სიწმინდეების, ორგანიზაციის, ღვთისმსახურის და მორწმუნის მიმართ სიძულვილის საჯაროდ გამოხატვა, რაც მიზნად მორწმუნეთა გრძნობების შეურაცხყოფას ისახავს, 300 ლარით დაჯარიმდება. იგივე ქმედება, ჩადენილი განმეორებით, 600 ლარიან ჯარიმას ითვალისწინებს. ამავე პროექტით, რელიგიური შენობებისა და სხვა რელიგიური სიწმინდეების წაბილწვა, მასზე ნებისმიერი წარწერის გაკეთება ან დაზიანება გამოიწვევს დაჯარიმებას პირველ ჯერზე 500 ლარის ოდენობით. პროექტი პარლამენტში უკვე ინიცირებულია.