დიდუბის რაიონში სოხუმის ქუჩის რეაბილიტაცია დასკვნით ეტაპზეა. 1900 კვადრატულ მეტრ ფართობზე გამოიცვალა მიწისქვეშა კომუნიკაცია, რეაბილიტაცია ჩაუტარდა მოძველებულ და ამორტიზებულ წყალსადენისა და კანალიზაციის ქსელებს, ასევე მთლიანად შეიცვალა სანიაღვრე სისტემა.
მიწისქვეშა კომუნიკაციების შეცვლის შემდგომ დიდუბის რაიონის გამგეობის დაკვეთით ტენდერში გამარჯვებული კომპანია ასფალტის საფარის დაგებას უზრუნველყოფს.
დიდუბის რაიონში 2015 წლიდან დღემდე საგზაო ინფრასტრუქტურა 99 მისამართზე მოწესრიგდა, სამუშაოების მთლიანი მოცულობა 2 960 863 ლარს შეადგენს.