ენმ ნაკლებად მძიმე კატეგორიის დანაშაულებზე წინასწარი პატიმრობის გამოყენების აკრძალვის ინიციატივით გამოდის.შესაბამისი კანონპროექტი ,,ნაციონალურმა მოძრაობამ“ პარლამენტში უკვე წარადგინა.
"სისხლის სამართლის საპროცესო კოდექსში" ცვლილების პროექტით,პატიმრობა, როგორც აღკვეთის ღონისძიება, არ შეიძლება გამოყენებულ იქნას ნაკლებად მძიმე დანაშაულში ბრალდებული პირის მიმართ, გარდა იმ შემთხვევისა, როდესაც ბრალდებული მის მიმართ გამოყენებულ სხვა აღმკვეთი ღონისძიების პირობებს დაარღვევს ან ნასამართლევია მძიმე ან განსაკუთრებით მძიმე დანაშაულისთვის.
ცვლილებების ინიციატორები განმარტავენ, რომ ნაკლებად მძიმე დანაშაულებზე, რომელთა მაქსიმალური სანქცია პატიმრობის 5 წელიწადს არ აღემატება, წინასწარი პატიმრობის გამოყენება გადამეტებულია.
პარლამენტს აღნიშნული ცვლილებების განხილვა ჯერ არ დაუწყია.
