პარლამენტის ჯანდაცვის კომიტეტის თავმჯდომარის მოადგილის, მირიან წიკლაურის განცხადებით, საკანონდებლო ხარვეზების გამო, ყოველგვარი საჭიროების გარეშე, ბავშვების ბიოლოგიური ოჯახებიდან გაყვანა და მათი ბავშვთა სახლებში განთავსება ხდება.
როგორც განათლების კომიტეტის სხდომაზე, „სააღმზრდელო საქმიანობის ლიცენზირების შესახებ“ კანონპროექტის წარდგენისას წიკლაურმა განაცხადა, უკეთესს შემთხვევაში, საოჯახო ტიპის სახლებს ქმნიან, შემდეგ ოჯახებში მოძრაობას იწყებენ.
„ბიოლოგიური ოჯახიდან ბავშვის არასაჭიროებისამებრ გაყვანა დანაშაულია და თან სერიოზული დანაშაული“, - განაცხადა წიკლაურმა.
რაც შეეხება ცვლილებებს, სააღმზრდელო საქმიანობის სალიცენზიო პირობების შეუსრულებლობა, შესაძლოა კრიმინალური ქმედება გახდეს და შესაბამისს პირს სისხლის სამართლის პასუხისმგებლობა დაეკისროს. საუბარია მცირე საოჯახო სახლებსა და სხვა ისეთი ტიპის დაწესებულებებზე, სადაც ბავშვები 24-საათის განმავლობაში იმყოფებიან.
