პარკირების წესების დარღვევის გამო, ავტომობილის სპეციალურად დაცულ ავტოსადგომზე გადაყვანის შეზღუდვა იგეგმება.
ფრაქცია „ქართული ოცნების“ თავმჯდომარის მოადგილემ, სოსო ჯაჭვლიანმა შესაბამისი ცვლილებები - „ადმინისტრაციულ სამართადარღვევათა კოდექსში“ ცვლილებები მოამზადა, რომლის გათვალისწინებით, სატრანსპორტო საშუალებების სპეციალურ ავტოსადგომზე გადაყვანა შესაძლებელი მხოლოდ ორ შემთხვევაში იქნება. კერძოდ, თუ სატრანსპორტო საშუალება საავტომობილო მოძრაობას აფერხებს, ან საცობს ქმნის.
ასევე კანონპროექტით კონკრეტდება, რომ ავტომობილის საჯარიმოზე გადაყვანა საავტომობილო მოძრაობის და არა ფეხითმოსიარულეთა შეფერხების შემთხვევაში მოხდება.
კანონპროექტის ავტორის განმარტებით, კანონიდან მესამე შემთხვევის - „თუ ქმნის საავარიო სიტუაციას“ ამოღება ხდება, რომლითაც „სითი პარკს“ სატრანსპორტო საშუალების ევაკუირების შესაძლებლობა ჰქონდა.