საქართველოს სამოციქულო ავტოკეფალურ მართლმადიდებელ ეკლესიას საგურამოში მდებარე 670 კვ.მ მიწის ნაკვეთი უსასყიდლოდ გადაეცა
საქართველოს მთავრობის განკარგულებით, საქართველოს სამოციქულო ავტოკეფალურ მართლმადიდებელ ეკლესიას საგურამოში მდებარე 670 კვ.მ არასასოფლო-სამეურნეო დანიშნულების მიწის ნაკვეთი უსასყიდლოდ, საკუთრებაში გადაეცა.
მთავრობის 27 ნოემბრის განკარგულებით. სახელმწიფო ქონების ეროვნულ სააგენტოს დაევალა, უზრუნველყოს კანონმდებლობით გათვალისწინებული ღონისძიებები.
შეგახსენებთ, საქართველოს მთავრობის 21 სექტემბრის განკარგულებით, საპატრიარქოს ქობულეთში, აბაშიძის #128-ში მდებარე მიწის ორი ნაკვეთი და მასზე მდებარე შენობა-ნაგებობები გადაეცა.
საპატრიარქოს უსასყიდლოდ საკუთრებაში გადაეცა ბობოყვათის რეზიდენცია – არასასოფლო-სამეურნეო მიწის ერთი ნაკვეთი, რომლის ფართობია 149 796 კვადრატული მეტრი, მასზე არსებული 18 ნაგებობითა და მოძრავი ქონებით.
