დღეს, ისრაელის ელჩი საქართველოში იუვალ ფუქსი აღმოსავლეთ საქართველოს მუფთის, იასინ ალიევს და საქართველოს შეიხს, რამინ იგიდოვს შეხვდა.
შეხვედრაზე მხარეებმა ტოლერანტობის, განათლებისა და სხვადასხვა რელიგიის წარმომადგებელთა შორის დიალოგის მნიშვნელობაზე ისაუბრეს. განხილული იყო რელიგიებს შორის განსხვავებები, მრწამსთან დაკავშირებული და პოლიტიკური საკითხები.
ისრაელის ელჩმა საქართველოში მადლობა გადაუხადა მასპინძლებს თბილი მიღებისთვის და ხაზგასმით აღნიშნა, რაოდენ მნიშვნელოვანია მშვიდობაზე ზრუნვა დღესაც და მომავალშიც.