თბილისის მუნიციპალიტეტის საკრებულოს მესამე მასივის მაჟორიტარმა დეპუტატმა ლევან დარახველიძემ, რაიონის გამგებელთან მამუკა ჩოქურთან ერთად, ვარკეთილში, ჯავახეთის ქუჩაზე, N 45-ე ბაგა - ბაღის მიმდებარე ტერიტორიაზე გზის საფარის აღდგენითი სამუშაოები დაათვალიერა.
ბაღის მიმდებარე ტერიტორიაზე, წლების განმავლობაში მოუგვარებელიინფრასტრუქტურული პრობლემები მოსახლეობის უკმაყოფილებას იწვევდა.
დეპუტატის განცხადებით, ჯავახეთის ქუჩის რეაბილიტაცია მოსახლეობისთვისწინასაარჩევნოდ მიცემული ერთ-ერთი დაპირების შესრულებაა და ამ ქუჩაზე დღეს სამუშაოები დასასრულს უახლოვდება.
„გზის საფარის დაგება 2016 წლის ბიუჯეტში იყო გათვალისწინებული, მაგრამ უკვე მიმდინარე წელს გამოთავისუფლებულმა საბიუჯეტო თანხებმა, ქუჩის სარეაბილიტაციო სამუშაოების განხორციელების საშუალება დაგეგმილზე ადრე მოგვცა“,- განაცხადა ლევან დარახველიძემ და აღნიშნა, რომ სულ რამდენიმე დღეში ჯავახეთის ქუჩის მცხოვრებლებს ახალი გზით სარგებლობის საშუალება ექნებათ.
