პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა, რომ 2016 წლის 1 ივლისიდან პენსია 180 ლარი გახდება.
მისი თქმით, მთავრობამ თავიდანვე განაცხადა, რომ ბიუჯეტი სოციალურად ორიენტირებული იქნებოდა.
,,მომავალი წლის ბიუჯეტიც იქნება, სოციალურად ორიენტირებული, ეს სახსრები განკუთვნილი იქნება პენსიების და პედაგოგების საბაზო ხელფასების ზრდისათვის, მაღალმთიანი რეგიონების განვითარების ხელშეწყობისა და სხვა ღონისძიებებისათვის.
პირველ რიგში, შევეხები პენსიების საკითხს. გადავწყვიტეთ, რომ 2016 წლის პირველი ივლისიდან პენსიები გახდეს 180 ლარი. 2012 წელთან შედარებით, პენსიები 64 პროცენტამდეა გაზრდილი. ასე რომ, ჩვენ 600 მილიონი ლარით მეტს გავცემთ პენსიონერებისთვის“, - განაცხადა პრემიერმა და დასძინა, რომ მთავრობა დაინტერესებულია დაინერგოს პენსიის დაგროვებითი სისტემა.
