აეროდრომის რაიონში ლაზერული გამოსხივების მქონე საშუალებების გამოყენება იკრძალება, რადგან ის თვითმფრინავებისთვის საშიშია. ასევე, აეროდრომების მიმდებარედ მიწის ნაკვეთების მფლობელებს, მიწათსარგებლობის საკითხის შეთანხმებაც მოუწევთ, რადგან არ მოხდეს ისეთი სახის კულტურების მოყვნა, რომელიც ფრინველებს მოიზიდავს და უარყოფითად იმოქმედებს ფრენების უსაფრთხოებაზე. პარლამენტში წარდგენილი კანონპროექტის თანახმად, უახლოეს პერიოდში უპილოტო საჰაერო ხომალდების და დრონების ფრენების დასარეგულირებლად სპეციალური წესები ამოქმედდება. “საჰაერო კოდექსში” ცვლილებების პროექტი, რომელიც ამ და სხვა სიახლეებს ითვალისწინებს, სესიაზე ჯერ არ განხილულა.
