„მომავლის იმედის“ ხელმძღვანელი თამარ ხაჭაპურიძე აღნიშნავს, რომ მას ფარული ჩანაწერი აქვს, სადაც ერთ-ერთი პროკურორი აცხადებს, რომ ჩვილი ბავშვების საზღვარზე გადაყვანის თაობაზე გამოძიება სახელმწიფოს დაცვის უფროსის, ანზრო ჩუბინიძის მოთხოვნით შეწყდა.
ხაჭაპურიძემ საზღვარზე ჩვილი ბავშვების უკანონოდ გადაყვანასთან დაკავშირებით, პარლამენტის ადამიანის უფლებათა დაცვისა და იურიდიულ საკითხთა კომიტეტების გაერთიანებულ სხდომაზე ისაუბრა და მან კითხვებით ირაკლი შოთაძეს მიმართა.
ხაჭაპურიძის ცნობით, ჩვილი ბავშვების საზღვარზე გადაყვანის თაობაზე სისხლის სამართლის საქმეა აღძრული.
„ბატონი ირაკლი, თქვენ მთავარი პროკურორის მოადგილე იყავით და არაფერი კეთდებოდა, შესაბამისად, არც მომავალში გაკეთდება. რაც შეეხება საქმეს, პროკურატურას ჩვილი ბავშვების საზღვარზე გადაყვანის ყალბი დოკუმენტები გააჩნია, ვინ გააყალბა დოკუმენტები, დადგენილება არსებობს. რა მტკიცებულებები გაკლიათ, ამ საქმის გამოძებისთვის? - სოციალური კლიპი არ გინახავთ და ამ საქმის დეტალებით რატომ არ დაინტერესდით? რა მტკიცებულეები აკლიათ? - არაერთ ინტერვიუში განვაცხადე, რომ ვიდეო-მასალა გამაჩნდა, სადაც ერთ-ერთი გამომძიებელი ამბობს, რომ ამ საქმის გამოძიება შეაჩერებინა ანზორ ჩუბინიძემ. ამის აუდიო-ვიდეო ჩანაწერი მაქვს, რატომ არ მომთხოვა ეს ჩანაწერი პროკურატურამ?“, - მიმართა ხაჭაპურიძემ შოთაძეს.
