პარლამენტის ადამიანის უფლებთა დაცვისა და იურიდიულ საკითხთა კომიტეტების გაერთიანებულ სხდომაზე „მომავლის იმედის“ ხელმძღვანელი თამარ ხაჭაპურიძე შეიჭრა.
სხდომაზე, დეპუტატები მთავარი პროკურორობის კანდიდატ ირაკლი შოთაძეს უსმენდნენ, რა დროსცა, სხდომაზე ხაჭაპურიძე ხმაურით შევიდა და განაცადა, რომ მას პარლამენტში შესვლის უფლებას არ აძლევდნენ.
ეკა ბესელიამ და ვახტანგ ხმალაძეს ხაჭაპურიძეს მოუწოდეს ხმაური შეეწყვიტა, სხდომას დასწრებოდა ან სხდომა დაეტოვებინა.
ირაკლი შოთაძემ ხაჭაპურიძეს შეხვედრა შესთავაზა, ხაჭაპურიძემ კი კითხვების დასმის უფლება მოითხოვა.
