თბილისის მუნიციპალიტეტის საკრებულოს თავმჯდომარე გიორგი ალიბეგაშვილი საკრებულოს დეპუტატებთან - რიმა ბერაძესთან და ნუგზარ მალაღურაძესთან ერთად ქაშუეთის წმინდა გიორგის სახელობის ტაძარში გიორგობის დღესასწაულთან დაკავშირებით სადღესასწაულო ლიტურგიას დაესწრო.
წირვა სრულიად საქართველოს კათოლიკოს - პატრიარქმა, უწმინდესმა და უნეტარესმა ილია მეორემ მღვლედლმთავრებთან და სასულიერო პირებთან ერთად აღასრულა.
საკრებულოს თავმჯდომარემ მოსახლეობას გიორგობის დღესასწაული მიულოცა.
"დღეს მართლმადიდებელი სამყარო, განსაკუთრებით საქართველოს მოსახლეობა, წმინდა დიდმოწამე გიორგის ხსენების დღეს აღნიშნავს. დღევანდელი დღესასწაული ჩვენი ქვეყნისთვის ერთ-ერთი უმნიშვნელოვანესია, რადგან დიდმოწამე გიორგი საქართველოს მფარველი, ქვეყნის რელიგიურ-კულტურული თვითმყოფადობის განუყოფელი ნაწილი და სიმბოლოა.
სრულიად საქართველოს ვულოცავ დღევანდელ დღესასწაულს, მისი შემწეობა და მფარველობა არ მოჰკლებოდეს ჩვენს ქვეყანას“,-განაცხადა გიორგი ალიბეგაშვილმა.
საზეიმო ლიტურგიას საქართველოს პრემიერ-მინისტრი ირაკლი ღარიბაშვილი, ვიცე-პრემიერი კახი კალაძე, დედაქალაქის მერი დავით ნარმანია, ასევე აღმასრულებელი და საკანონმდებლო ხელისუფლების სხვა წარმომადგენლები დაეწრნენ.
საქართველოს მართლმადიდებელი ეკლესია დღეს წინდა გიორგის ბორბალზე წამების დღეს აღნიშნავს. წმინდა გიორგის ხსენების დღე წელიწადში ორჯერ აღინიშნება.
