22 ნოემბერს, 17:00 საათზე, რუსთაველის გამზირზე, თბილისის კლასიკური გინმაზიის წინ, ახალგაზრდების საინიციატივო ჯგუფის მიერ ორგანიზებული აქცია - We Pray for Peace - გაიმართება.
როგორც აქციის ერთ-ერთმა ორგანიზატორმა გიორგი ლომსაძემ განმარტა, ქართველი ახალგაზრდები სოლიდარობას უცხადებენ, ბოლო დროს განხორციელებული ტერორისტული აქტების შედეგად დაშავებულებს და აღნიშნული აქციით შეეცდებიან გამოხატონ თავიანთი პოზიცია პოზიცია ტერორიზმისა და რელიგიური ექსტრემიზმის მიმართ.
„ჩვენ, ქართველი ახალგაზრდები, ვგმობთ ტერორიზმს და ვეხმიანებით ბოლო დროს მსოფლიოში განვითარებულ შემზარავ მოვლენებს, რომლებმაც უდიდესი გავლენა იქონიეს ტოლერანტული, მშვიდობიანი და ერთიანი მსოფლიოს მშენებლობის პროცესზე.
14 ნომბერს მსოფლიომ სრულიად ახალ რეალობაში გაიღვიძა !!! პარიზში მომხდარი ტერორისტული აქტები, ვთვლით რომ, არა მხოლოდ საფრანგეთისა და ფრანგის ხალხის წინააღმდეგ განხორციელებული ქმედებაა, არამედ გამოწვევა მთელი ცივილური სამყაროსათვის და დარტყმა იმ უზენაისი ღირებულებების წინააღმდეგ, რომლისთვისაც კაცობრიობა საუკუნებიის მანძილზე იღწვის.
ჩვენ, ამ აქციით გვსურს სოლიდარობა გამოვუცხადოთ ფრანგ ხალხს და გამოვხატოთ ჩვენი წინააღმდეგობრივი პოზიცია ტერორიზმისა და რელიგიური ექსტრემიზმის მიმართ.
სწორედ ამ მიზნით გვსურს რომ ქართველი ახალგაზრდები გავერთიანდეთ და შევუერთდეთ მსოფლიო კამპანიას მშვიდობისთვის.
შევიკრიბოთ 22 ნოემრებს, კვირას, 17:00 საათზე რუსთაველის გამზირზე, თბილისის კლასიკური გიმნაზიის წინ და ერთად დავაფიქსიროთ ჩვენი მხარდაჭერა ფრანგი, ამერიკელი, ეგვიპტელი, პალესტინელი, ლიბიელი, სირიელი, ერაყელი და ყველა იმ ერის მიმართ, რომლებიც დაზარალდნენ, დაიღუპნენ და დაშავდნენ მსოფლიოში განხორციელებული ტერორისტული აქტების შედეგად», - ნათქვამია აქციის ორგანიზატორთა მიმართვაში.
აქცია სოციალური ქსელის მეშვეობით იგეგმება (https://www.facebook.com/events/182503185425814/ ). ორგანიზატორები იმედოვნებენ, რომ მათ ინიციატივას ქართველი ახალგაზრდების მნიშვნელოვანი ნაწილი შეუერთდება.