არასრულწლოვნის მიმართ ძალადობის ფაქტებზე სახალხო დამცველისადმი მიმართვიანობა გაზრდილია. უჩა ნანუაშვილის თქმით, კვლავ დღის წესრიგშია სექსუალური ძალადობის მსხვერპლ ბავშვთა დროული იდენტიფიკაციის, მათი ფსიქო–სოციალური რეაბილიტაციის, შემთხვევის ეფექტიანი გამოძიების დაწყებისა და პასუხისმგებელი პირების გამოვლენის საკითხი. ომბუდსმენის შეფასებით, სკოლამდელ და ზოგადსაგანმანათლებლო დაწესებულებებში გავრცელებულია ბავშვის მიმართ ფსიქოლოგიური ძალადობის, ე.წ. ბულინგის შემთხვევები. ნანუაშვილი მოუწოდებს პასუხისმგებელ სტრუქტურებს, უზრუნველყონ არასრულწლოვნების დაცვა ნებისმიერი სახის ძალადობისგან.