საერთაშორისო მნიშვნელობის თბილისი - სენაკი - ლესელიძის საავტომობილო გზის 206 - ე კილომეტრზე (თერჯოლას მიმდებარე ტერიტორია) ავტოტრანსპორტის მოძრაობა აღდგენილია და მოძრაობა ცენტრალურ მაგისტრალზე გადაერთო.
რამდენიმე დღის წინ განვითარებულმა სტიქიურმა მოვლენებმა მდინარე ჩხარას ადიდება გამოიწვია და საერთაშორისო მნიშვნელობის თბილისი - სენაკი - ლესელიძის საავტომობილო გზის 206-ე კილომეტრზე საგზაო მონაკვეთი სამჯერ დააზიანა.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის წარმომადგენლები მდინარის კალაპოტის გაწმენდისა და გზის აღდგენის სამუშაოებს 24 საათიან რეჟიმში ახორციელებდნენ, რის შედეგადაც, აღნიშნულ მონაკვეთზე მოძრაობის აღდგენა ამინდის გაუმჯობესებისთანავე მოხერხდა.