18 ნოემბერს, 16:00 საათზე, სან დიეგოს სახელმწიფო უნივერსიტეტის მრჩეველთა საბჭოს შეხვედრა გაიმართება. შეხვედრას დაესწრებიანაშშ-ის ელჩი საქართველოში იან კელი, საქართველოსგანათლებისა და მეცნიერების მინისტრის მოადგილე გიორგი შარვაშიძე, ათასწლეულის გამოწვევის კორპორაციის ხელმძღვანელი საქართველოში კატერი კლემენტი, ათასწლეულის ფონდის აღმასრულებელი დირექტორი მაგდა მაღრაძე და სან დიეგოს სახელმწიფო უნივერსიტეტი საქართველოს დეკანი კენ უოლში. სამეთვალყურეო საბჭო, რომლის წევრები არიანბიზნეს ორგანიზაციების, საწარმოებისა და აკადემიური ინსტიტუტების ხელმძღვანელები, შეაჯამებს სან დიეგოს სახელმწიფო უნივერსიტეტის პირველი წლის საქმიანობის შედეგებს. განიხილებაბიზნეს სექტორთან თანამშრომლობის გაღრმავების გზები, სტუდენტების სტაჟირებისა და დასაქმების პერსპექტივები.
ღონისძიებაზეაგრეთვე წარმოდგენილი იქნება სან დიეგოს სახელმწიფო უნივერსიტეტის სტუდენტების ინოვაციური გამოგონებები და პროექტები.
2015 წელს სან დიეგოს სახელმწიფო უნივერსიტეტის საქართველოს ფილიალში პირველი სტუდენტები მიიღეს. ტექნოლოგიურ და საინჟინრო დარგებში შემოთავაზებულამერიკულ საბაკალავრო პროგრამებზე ბევრი წარმატებული სტუდენტი ჩაირიცხა. მათ შორისაა ეროვნულ გამოცდებზე ყველაზე მაღალი რეიტინგის მქონე აბიტურიენტი დავით სოსელია, მათემატიკაში უმაღლესი შეფასების მქონე ლუკა ლომთაძე და დაჩი გოგიტიძე, ქიმიაში უმაღლესი შეფასების მქონე ანა შალამბერიძე. აგრეთვე Intel ISEF-ის 2015 წლის მსოფლიო კონკურსის მეოთხე საპრიზო ადგილის მფლობელი ნიკა ალავიძე, რომლის გამოგონებამ მსოფლიოს მასშტაბით 7 200 000 პროექტს შორის მეოთხე ადგილი დაიკავა, ოლიმპიადის ეროვნული ნაკრების წევრი ქიმიაში ელგუჯა გოჯიაშვილი, ათასწლეულის ინოვაციების კონკურსის გამარჯვებულები თემურ ჩიჩუა, ალექსანდრე თოიძე და ნიკა მინაშვილი და სხვა წარმატებული ახალგაზრდები.
სან დიეგოს სახელმწიფო უნივერსიტეტი (SDSU), ათასწლეულის გამოწვევის ფონდი - საქართველოს უმაღლესი განათლების კომპონენტის ფარგლებში, საქართველოში ახორციელებს მაღალი ხარისხის, საერთაშორისო აკრედიტაციის მქონე საბაკალავრო პროგრამებს საინჟინრო და ტექნოლოგიურ (STEM) დარგებში. აღნიშნული პროგრამები ხელს შეუწყობს ქვეყანაში საბუნებისმეტყველო და ტექნოლოგიური დარგების განვითარებასა და მაღალკვალიფიციური კადრების მომზადებას. პროექტი ხორციელდება აშშ-ის ათასწლეულის გამოწვევის კორპორაციის (MCC) მეორე კომპაქტის ფინანსური მხარდაჭერით.
მედიას ვიწვევთ დასასწრებად:
ოთხშაბათი, 18 ნოემბერი, 2015, 16:00 სთ, სასტუმრო „რადისონ ბლუ ივერია“, შეხვედრების დარბაზი #6.
დამატებითი ინფორმაციისთვის მიმართეთ: ელენე ალადაშვილი, SDSU- საქართველო: 577974004, ealadashvili@mail.sdsu.edu|georgia.sdsu.edu|facebook.com/SDSU.Georgia
