”Elite Model Look Georgia 2015”-ის გამარჯვებულები თათია ახალაია და ლუკა ჯაჯვანი 18 ნოემბერს, მილანში საერთაშორისო სამოდელო კონკურსზე Elite Model Look World Final 2015 მსოფლიო ფინალზე მიემგზავრებიან.
მსოფლიოს საუკეთესო დამწყები მოდელები ერთი კვირის განმავლობაში მოემზადებიან დასკვნითი ღონისძიებისთვის, რომელიც გაიმართება 23 ნოემბერს.
კონკურსის შედეგად გამოვლინდება გოგონებს შორის ტოპ-10 და ვაჟებს შორის კი ტოპ-5.
გამარჯვებული გოგონა მიიღებს 150000 € ხოლო გამარჯვებული ვაჟი კი მიიღებს 50 000 € ღირებულების საგარანტიო სამოდელო კონტრაქტს.
გოგონების ტოპ-10 და ვაჟების ტოპ-5 მიიღებენ შესაბამისად 50.000 € და 20.000 € საგარანტიო კონტრაქტებს და გააგრძელებენ საერთაშორისო სამოდელო კარიერას მსოფლიოს სხვადასხვა ქვეყნებში.
კონკურსანტების მხარდაჭერა შესაძლებელია საერთაშორისო პროექტის ახალ ვებ გვერდზე http://www.elitemodellook.com
“Elite Model Look Georgia” უკვე მეცხრედ, წარმატებით ჩატარდა საქართველოში კომპანია ელიტის ოფიციალური წარმომადგენელის, სამოდელო სააგენტო “IC Model Management”-ის მიერ და მიზნად ისახავს გოგონებსა და ვაჟებს შორის ახალი სახეების აღმოჩენას და მათ საერთაშორისო ასპარეზზე გაყვანას.
“Elite Model Look Georgia” გახლავთ უნიკალური შესაძლებლობა გახდეთ მსოფლიო მოვლენის მონაწილე და დაიკავოთ საპატიო ადგილი მსოფლიოში აღიარებულ ისეთ ტოპ მოდელთა შორის, როგორებიც არიან: ლინდა ევენჯელისტა, სინდი კროუფორდი, კლაუდია შიფერი, ჟიზელ ბუნდჰენი, ნაომი კემპბელი, ალესანდრა ამბროსიო, ადრიანა ლიმა და სხვები.
“Elite Model Look”-ის უნიკალურობა იმაში მდგომარეობს, რომ იგი აძლევს საშუალებას დამწყებ მოდელებს უმოკლესი გზით მიაღწიონ წარმატებას, გახდნენ პროფესიონალები და დაიწყონ წარმატებული საერთაშორისო სამოდელო კარიერა. ყოვლწლიურად 70 ქვეყნის 800 ქალაქიდან კონკურსში 350 000 გოგონა იღებს მონაწილეობას. მსოფლიო ფინალიზე გამარჯვებულებს ელით სამოდელო კონტრაქტი საერთაშორისო სააგენტო “Elite Model Management”-თან და 730 000 ევროს საპრიზო ფონდი.
კონკურსის “Elite Model Look Georgia 2016” მონაწილეთა უფასო რეგისტრაცია მიმდინარეობს წლის განამვლობაში სამოდელო სააგენტო “IC Model Management”-ის ოფისში, ნიკო ნიკოლაძის N6-ში.