რუსთავი 2-ის გენერალური დირექტორის პირველი მოადგილე ზაალ უდუმაშვილი უარს აცხადებს კომპანიის დროებითი მმართველების, დავით დვალის და რევაზ საყევარიშვილის შემოთავაზებაზე, რომლის მიხედვითაც ზაალ უდუმაშვილს მიანიჭეს კომპანიის უფლებამოსილება.
უდუმაშვილმა საგანგებო ბრიფინგზე განაცხადა, რომ ორი დღის წინ, მას დავით დვალის თხოვნით, ჰქონდა მასთან შეხვედრა, სადაც მიიღო ანალოგიური შეთავაზება, რაზედაც უარი განაცხადა.
უდუმაშვილმა აღნიშნა, რომ იგი კომპანიაში წარმართავს საინფორმაციო პოლიტიკას და არ არის ფინასისტი.
უდუმაშვილმა ასევე აღნიშნა, რომ მან კონსულტაციები გაიარა იურისტებმა, რომლის მიხედვითაც დოკუმენტს, რომელიც საჯარო რეესტრში იქნა რეგისტრირებული აუცილებლად სჭირდებოდა მისი თანხმობა, რაც არ მომხდარა.
დიახ, მე ვადასტურებ, რომ 2 დღის წინ დავით დვალის თხოვნით შევხვდი. 2 საათის განმავლობაში ვსაუბრობდით. მე გავაცანი ის პოზიცია, რაც ჩვენ გვაქვს, თუ რატომ არ იზიარებდა კომპანია იმ პოროცესს, რომელიც მის წინააღმდეგ მიმდინარეობს. მე კარგად ავუხსენი მას, რომ ეს იყო ხელისუფლების წარმოებული ბრძოლა და ის იყო ხელისუფლების იარაღი. მას ჰქონდა თავისი პოზიცია. ჩვენ ვერ შევჯერდით. ჩემგან დავით დვალს თანხმობა არ მიუღია და ამით დავშორდით.
მე ძალიან მაინტერესებს, როგორ გატარდა საჯარო რეესტრი იმ ვალდებულების დოკუმენტი, რომელიც მე დამაკისრა საყვარელიშვილმა და დვალმა ისე, რომ ჩემი ხელმოწერა არ ყოფილიყო ზედ. ჩემი თანხმობისა და ხელმოწერის გარეშე ამ დოკუმენტის გატარება არ შეიძლებოდა და, შესაბამისად, ეს დოკუემენტი უკანონოა. მე ვარ რუსთავი 2-ის გენერალური დირექტორის პირველი მოადგილე. მე არ ვარ გამოცდილებით ფინანსისტი და ამ ვალდებულებას მე ვერ ავიღებ ამ ვალდებულებას. 3 დღით ადრე რომ მოუნდათ ჩემზე გადმოეკისრებინათ ის ვლადებულებები, რაც კომპანიას აქვს გასასტუმრებელი, გასაგებია რაზეც მიუნიშნებს. მათ სურთ კომპანია შეიყვანონ ჩიხში. ამას ვერ მოესწრებით.
მე ამ ვალდებულებებს ვერ ვიღებ, ვინაიდან, ის უკანონოა. თქვენ ბატონებო, თამაზ ურთმელიძისგან ყველანაირი ვალდებულება ურთმელიძისგან გაქვთ აღებული. მოსამართლის გადწყვეტილებას თავადაც არ ეთანხმებით. თქვენ გაქვთ ყველანაირი უფლება, შეგიძლიათ დისტანციურად შეასრულოთ თქვენი მოვალეობები და ის ფინანსური ვალდებულებები, რაც კომპანიას გააჩნია, დისტანციურად მართოთ, რადგან თქვენ გააგაჩნიათ წვდომა ბუღალტერიასთან," - განაცხადა ზაალ უდუმაშვილმა.
უდუმაშვილმა მიმართა დვალს და საყევარიშვილს: კეთილი ინებეთ და შეასრულეთ თქვენი მოვალეობა.
