თბილისის მუნიციპალიტეტის საკრებულოს თავმჯდომარე გიორგი ალიბეგაშვილი, საკრებულოს თავმჯდომარესთან არსებული საზოგადოებრივი სათათბიროს წევრთან გიგა ბათიაშვილთან ერთად, ცნობილ მოქანდაკეს, საქართველოს სახალხო მხატვარს, სახელმწიფო პრემიის ლაურეატს, თბილისის საპატიო მოქალაქეს გიორგი (გოგა) შხვაცაბაიას სახლ-სახელოსნოში ეწვია.
გიორგი ალიბეგაშვილმა და გიგა ბათიაშვილმა მოქანდაკის სახელოსნოში ის ნამუშევრები დაათვალიერეს, რომლებსაც გიორგი შხვაცაბაია წლების მანძილზე ქმნიდა, კერძოდ, საკრებულოს თავმჯდომარემ და ცნობილმა არქიტექტორმა დაათვალიერეს საქართველოს ეროვნული გმირის, ჟიული შარტავას ძეგლის ბარელიეფი, რომელიც ბათუმში უნდა დაიდგას, ასევე გაეცნენ ლადო ასათიანისა და ფიროსმანის ძეგლების მაკეტებს.
სახელოსნოს დათვალიერების შემდეგ გიორგი ალიბეგაშვილმა, გიგა ბათიაშვილმა და გიორგი შხვაცაბაიამ თბილისის განვითარების გეგმებზე ისაუბრეს. საქართველოს სახალხო მხატვარმა სტუმრებს ქალაქში ქანდაკებების განთავსებასთან დაკავშირებით თავისი მოსაზრებები გაუზიარა.
