ურავლესობის წევრი ზაზა პაპუაშვილი განათლების სამინისტროს მიმართავს, განათლების კომიტეტის ფორმატში, სკოლამდელი ასაკთან დაკავშირებით, „ზოგადი განათლების შესახებ“ შესახებ კანონპროექტის განხილვაში მონაწილეობა მიიღოს.
როგორც ადამიანის უფლებათა დაცვის კომიტეტის დღევანდელ სხდომაზე, საკითხის პირველი მოსმენით განხილვისას პაპუაშვილმა განაცხადა, მას ნაციონალების გულწრფელობაში ეჭვი ეპარება, რადგან მათი ხელისუფლების დროს 50 ბაღი საერთოდ გაქრა.
„ახლა საუბარი და მსჯელობა იმაზე, რომ რა ეშველება ბავშვებს და მშობლები ტირიან, გულწრფელად არ მიმაჩნია. სჯობს, ამ თამაშს თავი დაანებოთ. მცდარად მიმაჩნია, რომ თქვენი ზრუნვის საგანი განათლებაა. სკოლებს, ბაღებს რა დამართეთ, ეს ძალიან კარგად მახსოვს. თქვენი მიზანია, პოლიტიკური თემა აიწიოს. მეცნიერებასთან და სკოლებთან დაკავშირებით თქვენი „მოღვაწეობა“ სახეზეა და მეცნიერებს შეეკითხეთ, მათ რა დამართეთ“, - აღნიშნა პაპუაშვილმა.
კანონმდებელის თქმით, სკოლამდელ ასაკთან დაკავშირებით, განათლების სამინისტრომ საკუთარი ხედვის პრეზენტაცია ცოტა ხნის წინ გამართა და უმჯობესი იქნება, რომ უწყებამ საკითხი განათლების კომიტეტის ფორმატში, ფართო აუდიტორიის ფარგლებში, კიდევ ერთხელ გაიაროს და საკითხის განხილვაში ჩაერთოს.
აღნიშნულ კანონში ცვლილებები მეორე კობა სუბელიანმა მოამზადა. ცვლილებებით, საჭიროების შემთხვევაში, მშობელი უზრუნველყოფილი იქნება ზოგადი განათლების დაწყებით საფეხურზე სწავლის დაწყების უფლებით ბავშვის 5 წლის ასაკიდან.
დღეს მოქმედი კანონით, განათლების დაწყებით საფეხურზე სწავლის დაწყების ასაკი 6 წელია. ასევე სწავლის დაწყების უფლება აქვთ იმ პირებს, რომელთაც 6 წელი მომდევნო სასწავლო წლის პირველ იანვრამდე უსრულდებათ.