უამინდობა ისრაელში. ძლიერი სეზონური წვიმების შედეგად ქვეყნის სამხრეთ რაიონებში მდინარეები კალაპოტიდან გადმოვიდა და ათობით დასახლებული რაიონი დატბორა. სტიქიამ ყველაზე დიდი ზარალი აშკელონს მიაყენა, სადაც წყლის საფარის სიმაღლემ ერთ მეტრს გადააჭარბა. დატბორილია ასობით საცხოვრებელი სახლი, სავაჭრო დაწესებულება და სასიცოცხლო მნიშვნელობის ობიექტები. ადგილობრივი საავადმყოფოდან პაციენტების ევაკუაცია განხორციელდა. მსხვერპლის შესახებ ინფორმაცია არ გავრცელებულა.
