დღეს 8 ნოემბერს, საქართველოს ახალგაზრდა რკინიგზელთა ასოციაციამ დაარსებიდან სამი წლის იუბილე აღნიშნა. ორგანიზაცია 2012 წელს ჩამოყალიბდა და მისი უმთავრესი მიზანი რკინიგზის სექტორის განვითრება და პოპულარიზაცია იყო.
გასული სამი წლის განმავლობაში ახალგაზრდა რკინიგზელთა ასოციაციამ ბევრი საგანმანათლებლო პროექტი განახორციელა. ორგანიზაციის პრიორიტეტი სარკინიგზო ტრანსპორტით დაინტერესებული სტუდენტების განათლების ხარისხის ამაღლებაა. ასოციაციის ინიციატივით და ს/ს ,,საქართველოს რკინიგზის” ხელშეწყობით ტექნიკური უნივერსიტეტის სარკინიგზო მიმართულების წარჩინებული სტუდენტები იღებენ სტიპენდიას, ხოლო მაგისტრანტებისა და დოქტორანტების სწავლის საფასური 50 % ფინანსდება. ასოციაციის ინიციატივით, მსოფლიოს უმაღლესი რეიტინგის მქონე სასწავლებლების სარკინიგზო ფაკულტეტზე სწავლის მსურველებს ასევე 50 % დააფინანსებს საქართველოს რკინიგზა.
უახლოეს მომავალში საქართველოს ახალგაზრდა რკინიგზელთა ასოციაცია ტექნიკური უნივერსიტეტის ბაზაზე სარკინიგზო სასწავლო ლაბორატორიის გახსნას გეგმავს. ლაბორატორია რკინიგზის მინი მაკეტის, შესაბამისი დარგის უცხოენოვანი ბიბლიოთკისა და კომპიუტერული კლასისაგან შედგება. მთელი საქართველოს მასშტაბით ყველა მსურველი რკინიგზელი გაიღრმავებს ცოდნას რუსულსა და ინგლისურ ენაში. ასევე იგეგმება ხაშურის რეგიონალური ორგანიზაციისა და აჭარაში წარმომადგენლობის გახსნა.
ასოციაცია ასოცირების ხელშეკრულებით გათვალისწინებული დირექტივების იმპლემენტაციის უმტკივნეულო და ადეკვატური, ქართულ რეალობაზე მორგებული ცვლილებების სამეცნიერო შემუშვების პროცესში საკუთრი ხედვისა და რეკომენდაციების გაწევას გეგმავს.
საქართველოს ახალგაზრდა რკინიგზელთა ასოციაციის ცნობადობის გაზრდის მიზნით ორგანიზაცია პერიოდულად საქველმოქმედო საქმიანობასაც ეწევა.
სამი წლის იუბილე საქართველოს ახალგაზრდა რკინიგზელთა ასოციაციამ დღეს ახალი თავმჯდომარის, აღმასრულებელი დირექტორისა და გამგეობის არჩევით აღნიშნა. ასოციაციის თავმჯდომარედ გოგა გელეიშვილი იქნა არჩეული. ასოციაციის აღმასრულებელ დირექტორად ელგუჯა ნუცუბიძე დასახელდა, განახლდა გამგეობის ერთი მესამედი.
ახალი თავმჯდომარის გოგა გელეიშვილის პრიორიტეტი კვლავაც რჩება რკინიგზელებში საგანმანათლებლო დონის ამაღლება, რკინიგზელების ძალისხმევის კოორდინირება, მათი წარდგენა და ნებისმიერ დონეზე დაცვა. სწორედ ამიტომ, ასოციაცია განაგრძობს მჭიდრო თანამშრომლობას საქართველოს რკინიგზასთან და მსგავსი ტიპის საერთაშორისო ორგანიზაციებთან.
საქართველოში ახალგაზრდა რკინიგზელთა ასოციაციის დაარსების მომენტისათვის პოსტსაბჭოთა სივრცეში მსგავსი ტიპის ორგანიზაცია არ არსებობდა. საქართველოს ახალგაზრდა რკინიგზელთა ასოციაციის წევრების მიერ გამართული შეხვედრების შემდეგ შეიქმნა პრეცენდენტი და უკვე მსგავსი ორგანიზაცია ფუნქციონირებს სომხეთში. ასოციაციის ინიციატივაა შეიქმნას ამიერკავკასიის ახალგაზრდა რკინიგზელთა კავშირი და ამ მიზნით ორგანიზაციის წევრები უკვე აწარმოებენ მოლაპარაკებებს უცხოელ კოლეგებთნ.