დღეს, 8 ნოემბერს, აღმოსავლეთ საქართველოს ზოგიერთ რაიონში მცირე წვიმა და ნისლია მოსალოდნელი, ტემპერატურა 13-14 გრადუსი იქნება. დასავლეთ საქართველოს შავი ზღვის სანაპირო რაიონებში მცირე წვიმა იქნება. ჰაერის ტემპერატურა დაბლობში დღისით 14-19 გრადუსი იქნება.
გარემოს ეროვნული სააგენტოს მონიტორინგისა და პროგნოზირების ცენტრის ინფორმაციით, 9 ნოემბრიდან 13 ნოემბრამდე ამინდი მთელ საქართველოში გაუარესდება. დასავლეთ და აღმოსავლეთ საქართველოს უმეტეს რაიონში იწვიმებს. აღმოსავლეთ საქართველოს მაღალმთაში მოსალოდნელია თოვლი.
დასავლეთ საქართველოს დაბლობში 9 ნოემბერს ჰაერის ტემპერატურა დღისით 10-15 გრადუსი იქნება, შემდეგ დღეებში ტემპერატურა დაიკლებს.
აღმოსავლეთ საქართველოს ბარში 9 ნოემბერს დღისით ტემპერატურა წინა დღეებთან შედარებით მოიმატებს და 12-17 გრადუსი იქნება. 13 ნოემბრამდე საქართველოში არამდგრადი, წვიმიანი ამინდია მოსალოდნელი.
