Freedom House თბილისის საქალაქო სასამართლოს მიერ ტელეკომპანია “რუსთავი 2”-ის მენეჯმენტის დათხოვნასა და დროებითი მმართველების დანიშვნასთან დაკავშირებით განცხადებას ავრცელებს და მოუწოდებს საქართველოს ხელისუფლებას შეწყვიტოს ჩარევა მედიაში.
„რუსთავი 2-ში ახალი მენეჯმენტის დანიშვნა საკონსტიტუციო სასამართლოს გადაწყვეტილების იგნორირებას ახდენს და ძირს უთხრის დემოკრატიას საქართველოში”, - ამბობს [Freedom House-ის] საერთაშორისო პროგრამების ვიცე პრეზიდენტი რობერტ ჰერმანი.
“მთავრობა არღვევს თავის წინასაარჩევნო დაპირებებს, რომლის მიხედვითაც ის მაღალი სტანდარტებით დაიცავდა კანონის უზენაესობასა და დემოკრატიის ფუნდამენტურ პრინციპებს, მათ შორის პრესის თავისუფლებას, ვიდრე მისი წინამორბედი ხელისუფლება. ჩვენ მოვუწოდებთ საქართველოს ხელისუფლებას შეწყვიტოს ჩარევა მედიაში”, - აცხადებს რობერტ ჰერმანი.
Freedom House არის დამოუკიდებელი ორგანიზაცია, რომელიც მხარს უჭერს დემოკრატიულ ცვლილებებს. ახდენს მონიტორინგს მსოფლიოში თავისუფლების კუთხით არსებულ მდგომარეობაზე. ორგანიზაცია მხარს უჭერს ადამიანის უფლებებსა და დამოკრატიას.