გლდანის მე-5 მიკრო რაიონში, „თელასის“ შენობის მომიჯნავედ, „სამედიცინო კორპორაცია ევექსმა“ მცირე ზომის ამბულატორიული ცენტრი „ჩემი კლინიკა“ გახსნა. გლდანის მოსახლეობას შესაძლებლობა აქვს რაიონიდან გაუსვლელად, პირველადი ჯანდაცვის სერვისებით 09:00 სთ-დან 21:00 სთ-მდე ისარგებლონ.
პაციენტები გლდანის მე-5 მიკრო რაიონის მცირე ზომის ამბულატორიულ ცენტრში კვირის განმავლობაში შეუფერხებლად შეძლებენ ოჯახის ექიმის, კარდიოლოგის, ენდოკრინოლოგის, ნევროლოგის, დერმატოლოგის, ალერგოლოგის მომსახურების მიღებას, ლაბორატორიული კვლევების ჩატარებას.
სახლთან ახლოს, ფეხით 10 წუთის სავალზე, „ჩემი კლინიკა“ დედაქალაქის მოსახლეობას სამედიცინო სერვისებზე ხელმისაწვდომობას გაუმარტივებს.
გლდანის მე-5 მიკრო რაიონში, “სამედიცინო კორპორაცია ევექსის“ ამბულატორიული ცენტრი პაციენტებს ყოველდღე, შაბათ-კვირის ჩათვლით მოემსახურება.