თბილისის მუნიციპალიტეტის საკრებულოს ისნის რაიონის მაჟორიტარმა დეპუტატმა ზურაბ ნეფარიძემ მოსახლეობას 2015 წელს გაწეული საქმიანობის შესახებ ანგარიში წარუდგინა.
მისი ინფორმაციით, დეპუტატის სამაჟორიტარო ბიუროში 2015 წლის განმავლობაში შემოსულია 1180 განცხადება, რომელთაგან 852 განცხადებას შუამდგომლობა გაეწია.
შეხვედრაზე დეპუტატმა აღნიშნა, რომ მისი ერთწლიანი მოღვაწეობის პერიოდში ადგილობრივ და სახელმწიფო ორგანოებთან, მუნიციპალიტეტთან, მერიასა და შესაბამის სამსახურებთან საქმიანი ურთიერთობის შედეგად ნავთლუღის ტერიტორიაზე დაიგო გზები, შეიცვალა საკანალიზაციო სისტემა, მოეწყო სკვერები და სპორტული მოედნები.
მაჟორიტარის შუამდგომლობით სოციალურად დაუცველებს გაეწიათ როგორც მედიკამეტებით დახმარება, ასევე მოხდა მათი სამედიცინო მომსახურებების დაფინანსება.
ზურაბ ნეფარიძის ინიციატივით, თბილისის №4 საოჯახო მედიცინის ცენტრის - ისნის ფილიალის მხარდაჭერით, ნავთლუღის მოსახლეობას უფასო სამედიცინო გამოკვლევები ჩაუტარდა. ამასთან, მოეწყო აქცია შეზღუდული შესაძლებლობის მქონე პირებისთვის.
შეხვედრაზე ზურაბ ნეფარიძემ ისნის რაიონში ჩატარებული სამუშაოების შესახებაც ისაუბრა, კერძოდ, საუბარი შეეხო რაიონში მდებარე რამდენიმე ქუჩაზე ასფალტის საფარის დაგებას, მიტოვებული სკვერების განახლებას, საცხოვრებელი სახლების გამაგრებასა და გადახურვის სამუშაოებს.
დეპუტატმა დამსწრე საზოგადოებას იმ ღონისძიებათა ნუსხაც გააცნო, რომელიც მისი ინიციატივითა და შუამდგომლობით ისნის რაიონში განხორციელდა. მისივე ინიციატივით 2 ნოემბერს ბერი გაბრიელ სალოსის ხსენების დღე დაწესდა, რომელიც აღინიშნება, როგორც საერო სახალხო დღესასწაული, ხოლო ჩოლოყაშვილისა და ბ/ხმელნიცკის ქუჩებს ეწოდა ბერი გაბრიელ სალოსის გამზირი.
ზურაბ ნეფარიძის ინიციატივითა და შუამდგომლობით ნავთლუღის N 109 საბავშვო ბაგა-ბაღს სამშენებლო სამუშაოები ჩაუტარდა, დაემატა 2 ფლიგელი, რის საფუძველზეც ბაღი დამატებით 300 ბავშვის მიღებას შეძლებს.
დეპუტატმა 10 თვის მანძილზე არაერთ დასუთავებისა და გამწვანების აქციაში მიიღო მონაწილეობა.
დასასრულს, საკრებულოს მაჟორიტარმა წევრმა დამსწრე საზოგადოებას მადლობა გადაუხადა და აღნიშნა, რომ საკრებულოსთან და მერიასთან ერთობლივი მუშაობით, მომავალში ქალაქისთვის ბევრი სასიკეთო საქმე გაკეთდება.
ღონისძიებას საკრებულოს იურიდიულ საკითხთა კომისიის თავმჯდომარე თედო კობახიძე და ისნის რაიონის მოსახლეობა ესწრებოდა.