შერიგებისა და სამოქალაქო თანასწორების საკითხებში სახელმწიფო მინისტრის, პაატა ზაქარეიშვილის ინფორმაციით, ე.წ. რუსული პასპორტების ლეგიტიმაცია შეუსუსტა და ოკუპირებულ ტერიტორიებზე მცხოვრები პირები მსოფლიოში ისე ვეღარ მოგზაურობენ, როგორც ადრე.
როგორც პარლამენტის ტერიტორიეული მთლიანობის აღდგენის დროებითი კომისიის სხდომაზე ზაქარეიშვილმა განაცხადა, რუსეთის ე.წ. მოქალაქეობასთან დაკავშირებით, უცნაური რამ ხდება.
მისი თქმით, 2008 წლამდე, რუსეთი აფხაზეთისა და სამხრეთ ოსეთის ტერიტორიაზე ე.წ. რუსულ პასპორტებს გასცემდა, რომელიც თითქოს, რუსეთის ტერიტორიაზე, სოჩაში ან ვლადიკავკაზში გაიცემოდა.
„მას მაღალი ლეგიტიმაცია ჰქონდა, რადგან ეს პასპორტი რუსეთის მოქალაქეების გამოდიოდა. დღეს, ეს პასპორტები ოკუპირებულ ტერიტორიაზე, სოხუმსა და ცხინვალში გაიცემა. შესაბამისად, ამ პასპორტების ლეგიტიმაცია შეუსუსტა, რადგან უკანონო ტერიტორიაზეა გაცემული. პრაქტიკულად, იმ ადამიანების უმრავლესობას შეექმნა პრობლემები, რომელთაც ეს „პასპორტები“ აქვთ. უმრავლესობა მსოფლიოში ისე ვეღარ მოგზაურობს, როგორც მოგზაურობდა. ამიტომ ეს ახალი გამოწვევაა. ამ მოქალაქეებს გამოუვალი მდგომარეობა აქვთ, რადგან ჩვენი მეგობარი სახელმწიფოები არაღიარების პოლიტიკა მისდევენ“, - განაცხადა ზაქარეიშვილმა.
მინისტრის ცნობით, ვისაც ე.წ. აფხაზური და ოსური პასპორტები აქვთ, მათ ქვეყნის შიგნით გადაადგილებაზე პრობლემა არ აქვთ.