,,ერთიანი ნაციონალური მოძრაობა” ხელისუფლებისგან დანაპირების შესრულებას ითხოვს და აცხადებს, რომ 2016 წლის პირველი იანვრიდან შესაძლებელია პენსიისთვის დამატებით 50 ლარის გამოყოფა. დღეს გამართულ ბრიფინგზე გიგი წერეთელმა განაცხადა, რომ მომავალი წლის ბიუჯეტში 420 მილიონი ლარის გამოძებნის რესურსი არსებობს.
„ჩვენ გვაქვს ინიციატივა, რომ მთავრობამ შეამციროს ადმინისტრაციული ხარჯები, არასაჭირო პრემიები და დანამატები, ის შესყიდვები, რომლებიც ემსახურება სახელმწიფო მოხელებიის კომფორტს და სხვადასხვა ხარჯები, რომლებიც მათ შესანახად არის ბიუჯეტში და გაზარდოს პენსია მომავალი წლიდან 50 ლარით“, -განაცხადა გიგი წერეთელმა.
