დედაქალაქის მუნიციპალიტეტის საკრებულოს ისნის რაიონის, ვაზისუბნისა და მე-8 ლეგიონის მაჟორიტარმა დეპუტატმა ირაკლი აბუსერიძემ მოსახლეობას გაწეული საქმიანობის შესახებ ანგარიში პრეზენტაციის სახით წარუდგინა.
ირაკლი აბუსერიძის განცხადებით, დეპუტატის სამაჟორიტარო ბიურომ ფუნქციონირება 2014 წლის აგვისტოში დაიწყო, სადაც მოქალაქეების მიღება ბიუროს თამანშრომელთა ორგანიზებით ყოვედღიურად წარმოებს.
დეპუტატის ინფორმაციით, მოქალაქეები ძირითადად დასაქმებას, მედიკამენტებით დახმარებას, ოპერაციებისა და სხვა სამედიცინო მომსახურებების დაფინანსებას, ასევე სოციალური სტატუსის აღდგენასა და სხვადასხვა ინფრასტრუქტურული საკითხების გადაჭრას ითხოვენ.
აღნიშნულ საკითხებზე შემოსული განცხადებების უმრავლესობა საკრებულოს მაჟორიტარი წევრის შუამდგომლობის საფიძველზე უკვე დაკმაყოფილებულია.
ირაკლი აბუსერიძემ განხორციელებული ინფრასტრუქტურული სამუშაოების სტატისტიკა წარმოადგინა და აღნიშნა, რომ პრობლემების ადგილზე გაცნობისა და საკითხის დეტალურად შესწავლის მიზნით, ის ხშირად აწყობს გასვლით შეხვედრებს.
დეპუტატმა ანგარიშში დეტალური ისაუბრა რაიონში მიმდინარე და უკვე დასრულებულ საგაზაო სამუშაოების თაობაზე და აღნიშნა, რომ მისი შუამდგომლობით არაერთი სკვერი, დასასვენებელი პავილიონი და სტადიონი კეთილმოეწყო.
ირაკლი აბუსერიძემ შეხვედრაზე ვაზისუბნისა და მე-8 ლეგიონის ბიუროს წევრების მიერ ჩატარებული კვლევების საფუძველზე საკანალიზაციო და სანიაღვრე სისტემების მოწყობისა და ავარიული კორპუსების აღდგენით-გამაგრებითი სამუშაოების მიმართულებით გამოვლენილ პრობლემებზე ისაუბრა. მისი ინფორმაციით, პრობლემების ნაწილი უკვე გადაჭრილია, ხოლო დარჩენილი ნაწილის მოგვარების მიზნით სამუშაოები კვლავაც მიმდინარეობს.
დეპუტატი თავის გამოსვლაში დეტალურად შეეხო სხვადასხვა სპორტულ, კულტურულ, საგანმანათლებლო და საქველმოქმედო აქტივობებს და ჯანდაცვის კუთხით მისივე ინიციატივითა და ხელშეწყობით ჩატარებულ აქციებზე ისაუბრა.
,,რაც შეეხება სკოლამდელი აღზრდის დაწესებილებებს, მინდა გამოვყო მე-8 ლეგიონში საბავშვო ბაგა-ბაღის არარსებობასთან დაკავშირებული პრობლემაც. ჩემი შუამდგომლობით და მერიის მხარდაჭერით რაიონში ახალი საბავშვო ბაგა-ბაღის მშენებლობა წლის ბოლომდე დასრულდება “-აღნიშნა დეპუტატმა.
მისივე განცხადებით, შეზღუდული შესაძლებლობების პირთათვის ადაპტირებული გარემოს შექმნა მათი საზოგადოებასთან ინტეგრირების ხელშეწყობის მიზნით, ერთ-ერთი უმნიშვნელოვანესი თემაა, რისთვისაც მიმდინარე პერიოდში სპეციალური პანდუსები მოეწყო.
დღესვე, შეხვედრაზე ირაკლი აბუსერიძე ასევე სამომავლო გეგმებსაც შეეხო და მათი განხორციელების გზებზე ისაუბრა.
პრეზენტაციას თბილისის წარმომადგენლობითი ორგანოს თავმჯდომარის მოადგილე მალხაზ მჭედლიშვილი, სარევიზიო კომისიის თავმჯდომარე ნუგზარ მალაღურაძე და ისნის რაიონის, ვაზისუბნისა და მე-8 ლეგიონის მუნიციპალიტეტის თავმჯდომარე ხვიჩა ჩალაბაშვილი ესწრებოდნენ.