თბილისის მუნიციპალიტეტის საკრებულოს დეპუტატმა იოსებ მანჯავიძემ
სამგორის რაიონის მესამე მასივის მოსახლეობას, ერთი წლის განმავლობაში გაწეული საქმიანობის შესახებ ანგარიში წარუდგინა.
პრეზენტაცია რაიონის დეპუტატის ლევან დარახველიძის სამაჟორიტარო ბიუროში გაიმართა და მას მაჟორიტარი დეპუტატი ლევან დარახველიძე, საკრებულოს თავმჯდომარის პირველი მოადგილე გიორგი ტყემალაძე, საკრებულოს დეპუტატი ვლადიმერ ძნელაძე, რაიონის გამგებელი მამუკა ჩოქური, რაიონის მუნიციპალიტეტის თავმჯდომარე გიორგი დოხტურიშვილი, ბიუროს თანამშრომლები და რაიონის მოსახლეობა ესწრებოდა.
იოსებ მანჯავიძემ ანგარიში თბილისის საკრებულოში ერთი წლის განმავლობაში გაწეულ საქმიანობის შეჯამებას ეძღვნება. ანგარიშში დეტალურად არის საუბარი დეპუტატის საქმიანობაზე საკრებულოს ეკონომიკური განვითარებისა და საინვესტიციო პოლიტიკის და საერთაშორისო ურთიერთობების და ურბანული დაგეგმარების და საქალაქო მეურნეობის კომისიების შემადგენლობაში.
ანგარიშის თანახმად, იოსებ მანჯავიძემ საკრებულოს ეკონომიკური განვითარებისა და საინვესტიციო პოლიტიკის და საერთაშორისო ურთიერთობების კომისიის მიერ ჩატარებულ 18 სხდომაში მიიღო მონაწილეობა, რომელზეც კომისიის კომპეტენციაში შემავალი 26 საკითხი განიხილეს. ანგარიშში გამოყოფილია დეპუტატის საქმიანობა დედაქალაქის პერსპექტიული განვითარების გენერალური გეგმის შემუშავების და 2015 წლის ბიუჯეტის დამტკიცების პროექტებში. აგრეთვე ისეთ პროექტებსა და პროგრამებში როგორებიცაა: მცირე და საშუალო ბიზნესის განვითარების პროგრამა, “მეწარმეობის მხარდაჭერის” პროგრამის ფარგლებში იაფი ფინანსური რესურსების ხელმისაწვდომობის ბიუჯეტის პირობებისა და ქალაქ თბილისის მუნიციპალიტეტის მთავრობასა და პარტნიორ საფინანსო ორგანიზაციას შორის თანამშრომლობის შესახებ შეთანხმების ფორმის” პროექტი, “თბილისის მეწარმეობის ხელშეწყობის ცენტრის” შექმნა, ტურიზმის სექტორში მოღვაწე ორგანიზაციების ხელშეწყობის პროექტი, ინკლუზიური ტურიზმის განვითარება, სოციალური მეწარმეებისა და შშმ პირების საქმიანობის წარმოჩენა, ტურიზმის სექტორში მოღვაწე ორგანიზაციების ხელშეწყობა, ტურისტული ღირშესანიშნაობების “მობილური გიდი”-ს ფარგლებში ბარკოდებით აღჭურვა, თბილისის მარკეტინგული ლოგოს და სუვენირების გამოსავლენად კონკურსის ჩატარება და თბილისის გაწევრიანება “ენერგო ქალაქების” ასოციაციაში.
ანგარიშის მიხედვით, დეპუტატის მონაწილეობით ჩატარებულ კომისიის სხდომებზე დაიგეგმა საერთაშორისო ორგანიზაციებთან ურთიერთობის გაღრმავება, საზღვარგარეთის ქვეყნების დედაქალაქების მუნიციპალიტეტებთან და თვითმმართველობებთან დაახლოება და შესაბამისი მემორანდუმების თუ ხელშეკრულებების ინიცირება-გაფორმება და თბილისის ეკონომიკური განვითარების კუთხით, მათი გამოცდილების გაზიარება.
პრეზენტაციაზე, იოსებ მანჯავიძემ ასევე ყურადღება დაუთმო საქმიანობას ურბანული დაგეგმარების და საქალაქო მეურნეობის კომისიის მუშაობაში. ანგარიშის თანახმად, დეპუტატის მონაწილეობით ჩატარებულია კომისიის 35-მდე სხდომა და განხილულია 240-მდე საკითხი.
გარდა ამისა, ანგარიშის თანახმად, დეპუტატის მონაწილეობით, ჩატარებულ საკრებულოს სხდომებზე მიღებულია 100-ზე მეტი დადგენილება და 400-მდე განკარგულება.
ანგარიშში ცალკეა გამოყოფილი იოსებ მანჯავიძის მიერ შემდეგომი განხილვისთვის ინიცირებული თბილისის მიწისქვეშა კომუნიკაციების შესწავლისა და რეაბილიტაციის გეგმის პროექტი.
