თბილისის საკრებულოს ფრაქციამ „გაერთიანებულმა დემოკრატიულმა მოძრაობამ “ საზოგადოებას, 2015 წელს საკრებულოში საქმიანობის ანგარიში წარუდგინა.
შეხვედრაზე ფრაქციის წევრებმა ყურადღება გაამახვილეს, იმ საკითხებზე, რომელიც დედაქალაქის მაცხოვრებლებისათვის განსაკუთრებით მტკივნეულია და რომელთა გადასაჭრელად ფრაქციის წევრებს არა ერთი ინიციატივა თუ წინადადება გაუჟღერებიათ.
გარემოს დაცვისა და ეკოლოგიის თვალსაზრისით „გაერთიანებული დემოკრატების“ ჩართულობითა და მოსახლეობის აქტიურობით, შეჩერდა თამარაშვილის 13-ში ხეების მასობრივი ჭრა, ვაკის პარკში სასტუმრო „ბუდაპეშტის“ მშენებლობა, ყაზბეგის ქუჩაზე მცირე მოსასვენებელი ბაღის გაჩეხვა და მის ადგილზე მრავალსართულიანი კორპუსის მშენებლობა. საპროტესტო აქციებისა და წერილების შემდეგ შეჩერდა სასტუმროს მშენებლობის პროცესი ფარნავაზ მეფის სკვერში. თბილისში გარემოს ასეთი დაბინძურების ფონზე ფრაქციის წევრებმა, გააჟღერეს ინიციატივა, რომ მერიამ მოახდინოს იპოდრომის ტერიტორიის გამოსყიდვა და იქ დასასვენებელი პარკის მოწყობა,რათა მომავალში ამ ტერიტორიის ურბანულ სივრცედ გადაქცევის საშიშროება თავიდან ავიცილოთ.
თემის აქტუალობიდან გამომდინარე, ფრაქცია აქტიურად მუშაობს საგზაო უსაფრთხოებისა თუ საზოგადოებრივი ტრანსპორტის თემატიკის ირგვლივ, „გაერთიანებული დემოკრატების“ ძალისხმევით, არა ერთი იფრასტრუქტურული ხარვეზის აღმოფხვრა მოხდა, გარდა ამისა ფრაქციის წევრებმა საკრებულოსა და მერიას არა ერთხელ შესთავაზეს ,საზოგადოებრივი ტრანსპორტის გაუმჯობესებისა და „სითი- პარკთან“ თუ საცობებთან ბრძოლის ხედვა. მერია ოპოზიციის არცერთ კრიტიკულ თუ მეგობრულ რეკომენდაციებს არ ითვალისწინებს შედეგები, კი სამწუხაროდ მოსახლეობაზე აისახება.
რაც შეეხება ჯანდაცვასა და სოციალურ სფეროს, საკრებულოში, „გაერთაინებული დემოკრატების“ სახელზე ამ მიმართულებით 45 წერილი შემოვიდა, რომელზეც ფრაქციამ მყისიერი რეაგირება მოახდინა. ამ მიმამართულებით წარმატებით ხორციელდება ფრაქციის ინიციატივა, რომელიც ლეიკემიიით დაავადებულებისათვის ასაკობრივი ზღავრის გაზრდას გულისხმობს. გარდა ამისა ფრაქცია მერიას მოუწოდებს დროულად მოაგვაროს საბავშვო ბაღების ირგვლივ დაწესებული ახალი საკანონმდებლო რეგულაციები, რათა მომავალში გაუგებრობა თავიდან იქნეს აცილებული.
ანგარიშის წარმოდგენისას ფრაქციის წევრებმა, იმ ხარვეზებზეც გაამახვილეს ყურადღება, რომელიც მერიის მუშაობის დროს არა ერთი აღმოუჩენიათ. მათ შორის ტენდერების, ერთ პირთან მოლაპარაკებების, თუ ტერიტორიების ადგილ-მონაცვლეობის დროს. აღინიშნა, რომ მერიაში ბოლო დროს გაზრდილი ადმინისტრაციული ხარჯი ბიუჯეტს ძალიან ძვირი უჯება, ამიტომ „გაერთიანებული დემოკრატები“ თბილისის მუნიციპალიტეტს მოუწოდებს, გადაიხედოს პრემია-დანამატების გაცემის სისტემა და იგი კანონმდებლობასთან ჰარმონიაში მოვიდეს. ასევე გადასახედია სხავადსხვა ცენტრების არსებობის აუცილებლობა და გაზრდილი ავტოპარკის საჭიროება მერისა თუ საკრებულოში.
ფრაქცია მიმდინარე წელს, მუდმივად აკრიტიკებდა მერიას იმ ინფრასტრუქტურული პროექტების გამო, რომელთა მშენებლობა ან საერთოდ არ დაწყებულა ( პუშკინის ესტაკადა), ან მათი დასრულება და რეაბილიტაცია დროში უსასრულოდ იწელება, რაც მოქალაქებს პრობლემებს უქმნის.
„გაერთიანებული დემოკრატები“ მუდმივად ხვდებიან ამომრჩეველს. 2015 წელს ფრაქციის წევრები თბილისის ყველა რაიონის მოსახლეობას შეხვდნენ და მათ სხვადასხვა პრობლემის გადაჭრაში დახმარება აღმოუჩინეს. ფრაქციის სახელზე ერთი წლის განმავლობაში 148 წერილი შემოვიდა, რომელზეც მყისიერი რეაგირება განხორციელდა. ჩვენი ძალისხმევით 78 წერილი დაკმაყოფილდა, 15 ნაწილობრივ დაკმაყოფილდა, 24 უარყოფილი იქნა აღმასრულებელი ხელისუფლების სამსახურების მიერ, ხოლო 30 წერილი მუშა პროცესშია.
შეხვედრას მოსახლეობასთან ერთად „ გაერთიანებული დემოკრატიული მოძრაობის“ მთავარი საბჭოს წევრებიც დაესწრნენ.