საქართველოს ტექნიკურ უნივერსიტეტში საგრანტო კონკურსში გამარჯვებული სტუდენტების დაჯილდოება გაიმართა. სსიპ - შოთა რუსთაველის ეროვნული სამეცნიერო ფონდისა და გერმანიის იულიხის კვლევითი ცენტრის - Forschungszentrum Jülich (JÜLICH) ერთობლივი კვლევით-საგანმანათლებლო პროგრამის 2015 წლის საგრანტო კონკურსში საქართველოს ტექნიკური უნივერსიტეტის ფიზიკის პროგრამის ორმა მაგისტრანტმა გაიმარჯვა.
შოთა რუსთაველის ეროვნული სამეცნიერო ფონდის გენერალურმა დირექტორმა, მარინე ჩიტაშვილმა და იულიხის სამეცნიერო-კვლევითი ცენტრის დირექტორთა საბჭოს წევრმა საქართველოს ტექნიკურ უნივერსიტეტში სტუდენტებს სერტიფიკატები გადასცეს და წარმატებები უსურვეს.
საგრანტო კონკურსის გამარჯვებული გრიგოლ აბულაძე საქართველოს ტექნიკური უნივერსიტეტის საინჟინრო ფიზიკის პროგრამის მაგისტრანტია, ხოლო დიტო შერგელაშვილი - საქართველოს ტექნიკური უნივერსიტეტის სამედიცინო ფიზიკის პროგრამის მაგისტრანტი.
მაგისტრანტების ხელმძღვანელები არიან პროფესორები ქეთევან კოტეტიშვილი, თამაზ ეთერაშვილი (საქართველოს ტექნიკური უნივერსიტეტი), ჰელმუტ ზოლტნერი და ემანუელ კერტზინგერი (იულიხის სამეცნიერო-კვლევითი ცენტრი).
მაგისტრანტები ნაშრომს იულიხის სამეცნიერო-კვლევით ცენტრში 8 თვის განმავლობაში შეასრულებენ.