პირევლი არხის ახალი პროექტი „წიგნების თარო“ აცხადებს კონკურსს გადაცემის ლოგოს შესაქმნელად. კონკურსში მონაწილეობის მიღება შეუძლია სკოლის ნებისმიერ მოსწავლეს, მონაწილეებმა 6 ნოემბრის 18:00 საათამდე უნდა გამოგზავნოს მათ მიერ შექმნილი ლოგოს ესკიზი, მისამართზე: wignebistaro@gpb.ge.
ორიგინალური ქართული ტელეთამაშის “წიგნების თარო” თემატიკა მხატვრული ლიტერატურაა და შესაბამისად გამარჯვებისთვის მთავარი წიგნიერება არის. თამაშში მონაწილეობს სამ-სამი მოთამაშით დაკომპლექტებული ორი სკოლის გუნდი. თამაში 7 რაუნდისგან შედგება, რომელთაგან ერთი გულშემატკივრების რაუნდია, ყველაფერი კი ბლიც-ტურით სრულდება. თამაშში ასევე მონაწილეობს მოწვეული სტუმარიც, საზოგადოებისთვის ცნობილი ადამიანი, რომელიც რიგ შემთხვევებში მოთამაშეების დახმარებას ცდილობს.
შეგახსენებთ, რომ პროექტი „წიგნების თარო“ საზოგადოებრივი მაუწყებლის მიერ გამოცხადებული პროექტების შერჩვევის ერთ-ერთი გამარჯვებულია.
ლოგოს კონკურსის პირობები: ლოგოს კონკურსში მონაწილეობის მიღება შეუძლია სკოლის ასაკის ნებისმიერ მსურველს. მონაწილემ არა უგვიანეს 6 ნოემბრისა (18:00) უნდა გამოგზავნოს: მის მიერ შექმნილი ლოგოს ესკიზი მისამართზე: wignebistaro@gpb.ge
ასევე ქართული შრიფტით აუცილებლად უნდა მიუთითოთ სახელი, გვარი, ასაკი და სკოლის დასახელება. ლოგო უნდა იყოს პოზიტიური, ადვილად აღქმადი, პროექტის არსთან შესაბამისი, ეფექტური და თანამედროვე. მასში არ უნდა იყოს გამოყენებული სხვა ავტორის მიერ შექმნილი ვიზუალური ელემენტები, წინააღმდეგ შემთხვევაში მონაწილე გამოეთიშება კონკურსს. ლოგოს შერჩევას განახორციელებს სპეციალური ჟიური, რომელიც ნამუშევრებს შეაფასებს სამი კრიტერიუმით: 1. ვიზუალური მხარე; 2.შინაარსი; 3.ინტერაქცია “მოწონება” (like) .
გამარჯვებული ლოგოს ავტორი წიგნის მაღაზიათა ქსელი “ბიბლუსი”-ს 200 ლარიანი ვაუჩერით დაჯილდოვდება.