ჟურნალისტი ინგა გრიგოლია ექს-პრემიერ ბიძინა ივანიშვილის განცხადებას ეხმიანება და კოლეგებს სოციალური ქსელით მიმართავს " უკაცრავად,რომელიმე ჟურნალისტს რომ შეეხსენებინა ივანიშვილისთვის,რომ მე კანდიდატურა ჩემით მოვხსენი არჩევნებამდე, არა???????? გიპასუხათ და არც ერთს არ გაგახსენდათ კონტრშეკითხვად ეს ამბავი??????და რომ საკუთარი ნებით ვთქვი უარი არჩევნებში მონაწილეობაზე? თუ თავად არ იცის, მრჩეველემა მაინც ვერ შეახსენეს ეს ამბავი,არასწორს რომ ამბობდა?

როგორია ჩემი რეაქცია?-ბ-ნ ვნიშვილს არ ჰქონია ზუსტი ინფორმაცია,როგორ დავბრუნდი ჟურნალისტიკაში და როდის მოვხსენი კანდიდატურა....მიაწოდეთ ხოლმე ამ ადამიანს დაზუსტებული ამბები...უხერხულია..

p.s---და კიდევ ერთი,გადაცემა რატომ დაიხურა,ეს რა კავშირში იყო იმასთან,რაც მან თქვა????მოკლედ-ჟურნალისტებო ,სხვა დროს,ჩემს თემაზე კითხვას თუ დასვამთ,მკითხეთ წინასწარ და უფრო გამართულ არგუმენტებს მოგაშველებთ ხოლმე“,-წერს გრიგოლია.

შეგახსენებთ, ექს-პრემიერმა ბიძინა ივანიშვილმა განაცხადა, რომ ინგა გრიგოლიას კარიერულ ზრდაზე გავლენა მოახდინა. ივანიშვილმა განმარტა, რომ გრიგოლია ფსევდოოპოზიციური - ქრისტიან დემოკრატიული პარტიის - წევრი იყო და ეგონა რომ პარლამენტში ადგილი გარანტირებული ჰქონდა. „მაგრამ მას შემდეგ, რაც მე ვამხილე ფსოვდოოპოზიციური პარტიები ვითარება შეიცვალა“, - განაცხადა ივანიშვილმა და იკითხა: „სხვათა შორის, სად არის „ქრისტიან დემოკრატიული პარტია“ დღეს, რომლის ერთ-ერთი ლიდერი გახლდათ ინგა გრიგოლია?... უი-უი, აღარ არის ცალკე პარტია? აჰა, გასაგებია...“ ივანიშვილმა აღნიშნა, რომ გრიგოლიას განაღდებული ჰქონდა დეპუტატის მანდატი და ადგილი მაგრამ მისმა გამოჩენამ პოლიტიკაში მას ხელი შეუშალა.„გრიგოლიას განაღდებული ქონდა დეპუტატის მანდატი და ადგილი პარლამენტში და, საუბედუროდ თუ საბედნიეროდ მისთვის, და ჩემი აზრით, საბედნიეროდ მთელი საზოგადოებისთვის და ისიც ამ საზოგადოების წევრია, ჩემი მოსვლით პოლიტიკაში პრინციპულად შეიცვალა სიტუაცია საქართველოში და პირველ რიგში, ადამიანის უფლებები და ინგა გრიგოლიას ალბათ აქვს გაღიზიანება, რომ მე ის დავაბრუნე ჟურნალისტიკაში, პრინციპში - იძულებით. იმ ფორმით, რომ „ქრისტიან დემოკრატიულმა პარტიამ“ 1%-იც ვერ აიღო არჩევნებში. მისთვის არ ეცალა „ნაციონალურ მოძრაობას“ და ინგა გრიგოლიაც ვერ მოხვდა პარლამენტში“, - განაცხადა ივანიშვილმა.