26 ოქტომბერს საზოგადოებრივ მაუწყებელს გაერთიანებული ნიუსრუმის პროექტის ფარგლებში, საერთაშორისო საკონსულტაციო ჯგუფის წარმომადგენლები ეწვევიან.
ტელეკომპანიაში აცხადებენ, რომ მაუწყებლის რეფორმირების პერიოდში ერთ-ერთი უმნიშვნელოვანესი გამოწვევა სწორედ გაერთიანებული ნიუსრუმის შექმნაა. ჯგუფი საკონსულტაციო საქმიანობას გაერთიანებული ნიუსრუმის პროექტის მიმდინარეობის პროცესში განახორციელებს.
როგორც საზოგადოებრივი მაუწყებლის ახალი და მიმდინარე ამბების ბლოკის დირექტორმა, გიორგი გვიმრაძემ განაცხადა ამ საკითხზე მუშაობას ერთი წელი დასჭირდება, თუმცა ახალი პროექტის ელემენტები საინფორმაციოში უახლოეს მომავალში გაჩნდება.