საქართველო გაერო-ს ქარტიის 70-ე წლისთავის აღსანიშნავ გლობალურ კამპანიას შეუერთდა. კამპანიის ფარგლებში თბილისში, მთაწმინდა გაეროს ფრად - ლურჯად განათდა.
2015 წელს გაერთიანებული ერების ორგანიზაციის დაარსების 70 წლისთავი აღინიშნება. საქართველოს საგარეო საქმეთა სამინისტრო ულოცავს გაერთიანებული ერების ორგანიზაციას დაარსების საიუბილეო თარიღს, აღნიშნავს მის განსაკუთრებულ წვლილს მსოფლიოში. საქართველო, როგორც ორგანიზაციის წევრი, ადასტურებს საკუთარ მზადყოფნას კვლავაც გააგრძელოს საკუთარი წვლილის შეტანა ორგანიზაციის მიზნებისა და ამოცანების შესრულებაში გლობალური მასშტაბით.
შეგახსენებთ, 1945 წლის 24 ოქტომბერს, სან ფრანცის კონფერენციაზე, 51-მა ქვეყანამ ხელი მოაწერა ორგანიზაციის ქარტიას, რომლის რატიფიცირების შედეგად გაერო ოფიციალურად დაფუძნდა. 2015 წლისათვის ორგანიზაცია 193 წევრ სახელმწიფოს აერთიანებს.
„გაერთიანებული ერების ორგანიზაცია 7 მილიარდი ადამიანის საერთო ოჯახის კეთილდღეობისთვის იღწვის და ზრუნავს პლანეტაზე, როგორც ჩვენს საერთო და ერთადერთ სახლზე“-განაცხადა გაეროს დაარსების 70 წლისთავთან დაკავშირებით გაეროს გენერალურმა მდივანმა ბან კი-მუნმა.
