ორდღიანი შიმშილობა შეწყვიტეს თბილისის სახელმწიფო უნივერსიტეტის სტუდენტებმა. მათ ეს გადაწყვეტილება, უმღალესი სასწავლებლის აკადემიური საბჭოს წევრებთან, რექტორთან და განათლების მინისტრთან შეხვედრის შემდეგ მიიღეს.
სტუდენტების განმარტებით, შეხვედრაზე ყველა ის პრობლემა განიხილეს, რომლებსაც აპროტესტებდნენ. შეხვედრაზე გადაწყდა, რომ შეიქმნება სტუდენტთა ხუთ კაციანი სამუშაო ჯგუფი. ისინი განათლების სამინისტროსთან ერთად შეისწავლიან ხარვეზებს.
სტუდენტები სასწავლებელში ბიუროკრატიულ პრობლემებს და უნივერსიტეტის ბიუჯეტის არამიზნობრივ ხარჯვას აპროტესტებდნენ.