თბილისის მუნიციპალიტეტის საკრებულოში საბურთალოს რაიონის მაჟორიტარმა დეპუტატმა ალეკო ელისაშვილმა პეკინის N 23-ის მაცხოვრებლებთან ერთად ბრიფინგი გამართა და პეკინის ქუჩაზე ყოფილი საბავშვო ბაღის "საპოვნელას" შენობის ადგილზე მრავალსართულიანი შენობის აგება გააპროტესტა.
როგორც ალეკო ელისაშვილმა აღნიშნა, მოსახლეობა უკვე რამდენიმე თვეა აღნიშნულ ტერიტორიას იცავს და საბავშვო ბაღისა და მის მიმდებარედ არსებული სკვერის დანგრევის წინააღმდეგ გამოდის.
საკრებულოს დეპუტატმა დედაქალაქის მერისგან ოფიციალური ინფორმაცია და ამასთან, აღნიშნული ტერიტორიისთვის რეკრიაციული ზონის სტატუსის მინიჭება მოითხოვა.
,,ჩემთვის უცნობია, თუ რა ბედი ელის ამ ტერიტორიას. ამიტომ, მე, როგორც საბურთალოს რაიონის მაჟორიტარი დეპუტატი დედაქალაქის მერისგან ოფიციალურ ინფორმაციას ვითხოვ’’,-განაცხადა ალეკო ელისაშვილმა.
ბრიფინგს პეკინის ქუჩის მაცხოვრებლებიც ესწრებოდნენ, რომლებმაც კომპანიისთვის "ელზურო" ადგილმონაცვლე ტერიტორიის გადაცემის დამადასტურებელი საბუთები და საბავშვო ბაღის "საპოვნელა" ფუნქციონირების აღდგენა მოითხოვეს.
