თსუ-ს სტუდენტები პროტესტის უკიდურეს ფორმას მიმართავენ. ორდღიანი აქციის შემდეგ მათი მთავარი მოთხოვნა უნივერსტეტის რექტორის გადადგომასთან დაკავშირებით არ დაკმაყოფილდა. გვიან ღამით სტუდენტებმა შიმშილობა გამოაცხადეს. ისინი განმარტავენ, რომ რექტორთან წელიწადნახევრიანი დიალოგის განმავლობაში, უნივერსტეტში არსებული პრობლემები აღმოფხვრილი არ არის. აქციის მონაწილეები გამოსავალს მხოლოდ პაპავას გადადგომაში ხედავენ. ისინი მთავარ პრობლემებად თანხების არამიზნობრივ ხარჯვას, მოუწესრიგებელ ინფრასტრუქტურასა და გაბერილ შტატებს ასახელებენ.
