თსუ-ს რექტორი გადადგომას არ აპირებს. ვლადიმერ პაპავამ სტუდენტების მოთხოვნაზე კომენტარი ცოტა ხნის წინ გააკეთა. მისი თქმით, თუ უნივერსიტეტში რაიმე დარღვევაა, ამისთვის არსებობს შესაბამისი ორგანოები და უნივერსიტეტის კარი ღიაა ყველასთვის, რაც შეეხება გადადგომას, მისი თქმით, ეს საკითხი არ განიხილება:
„მე არასდროს არ მქონია პრობლემა სტუდენტებთან ურთიერთობის. არც ეხლა არ მაქვს, აბსოლუტურად ღია ვარ. რაც შეეხება, თუკი რაიმე დარღვევა არის, არსებობს ორგანოები, მოვიდეს, შეისწავლოს, ჩვენ მზად ვართ, ღია ვართ, აბსოლუტურად გამჭვირვალე ორგანიზაციაა და მზად ვართ ვაგოთ შესაბამისი პასუხი. რაც შეეხება გადადგომის საკითხს, ეს საკითხი საერთოდ არ განიხილება“ განაცხადა ვლადიმერ პაპავამ.
